?#Ijan Dram nan Wanament : Larivyè Kanari bwote 7 moun pami yo 2 jij

Gwo lapli k ap tonbe sou plizyè rejyon nan peyi a lakoz yon gwo trajedi nan vil Wanament ( Nòdès ). Nan kòmansman lanwit jedi a (4), larivyè kanari bwote 7 moun pami yo jij Petyonvil la Godlie Joseph ak Oswald Joseph ki nan tribinal premye enstans Pòtoprens.

Dram sa pase pandan sitwayen yo te nan yon machin ki t ap tante travèse larivyè a pandan l ap desann.

Kolaboratè Kreyòl Enfo nan fwontyè a konfime ajan Pwoteksyon sivil ak lòt otorite nan depatman an rive jwenn 4 pami moun dlo a te bwote yo. Pou kounye a, 4 sitwayen sa yo ki te gentan preske mouri ap pran laswenyay nan yon lopital.

Nan moman n ap ekri tèks la ( minwi), ajan Pwoteksyon sivil ak lòt manm nan popilasyon an toujou poko jwenn 3 lòt moun ki te machin nan.

Yon manm Plateforme Genre du Nord’est (PGNE ), Jesula Blanc, siyale pwoteksyon sivil nan depatman Nòdès la pa menm gen flach pou chèche viktim yo.

Kreyòl Enfo