《Kredi Atè Plat》, yon nouvo pwogram prezidan Jovenel Moise lanse pandan senmenn nan

Pòtoprens, vandredi 30 novanm 2018.-Chèf Leta a, Jovenel Moise nan tèt kole ak Ministè komès ak endistri lanse ofisyèlman, ayè jedi a (29) , yon nouvo pwogram ki pote non 《Kredi Atè Plat 》.

Pwogram sa pral 《pèmèt moun ki pi fèb yo benefisye kredi ki ka rive 50 mil goud 》, daprè prezidan Repiblik la. Minis komès ak endistri a, Ronell Gilles, presize sitwayen ki benefisye nan pwogram sa ap peye 5% enterè chak ane pandan 24 mwa.

Pou minis Gilles, 《 Kredi Atè Plat 》pral pèmèt « moun ki benefisye yo devlope kapasite yo genyen nan lide pou ede yo tounen antreprè tout bon vre. 》

Jovenel Moise deklare《 li lè li tan pou demokratizasyon zafè kredi a vini yon reyalite nan peyi a》 .

Anviwon 1000 moun deja enskri nan pwogram sa.

Tèks : Kreyòl Enfo